Erika Baikoff soprano errusiar-amerikarrak Metropolitan Operako Lindemann Young Artist Development Program-en parte hartzen du gaur egun; denboraldi honetan, Xenia (Boris Godunov) eta Barbarina (Le nozze di Figaro) abestuko ditu. 2018 eta 2020 artean, berriz, Lyongo Opera Nazionaleko Studioko kide izan zen Erika; bere paperen artean, Le Feu/Princesse/Rossignol (L 'enfant et les sortilèges) edo Anna (Nabucco) daude. Duela gutxi, Mahlerren laugarren sinfonia abestu du, Lyongo Opera Nazionaleko Orkestrarekin. Erikak lehen saria jaso zuen, 2019an, Nazioarteko Lied Helmut Deutsch Lehiaketan eta Nadia et Lili Boulanger Lehiaketan. 2021ean, Atelier Lyrique taldeko kide izan zen, Verbierreko Jaialdian, eta Musetta (La Bohème) abestu zuen bertan. Princetongo Unibertsitateko Giza Zientzietako diplomatura eta Guildhall School of Music-eko Musikako masterra ditu.

Edinburgon jaioa, St. Catharine 's College eta Royal College of Music-en ikasi zuen. Bere belaunaldiko piano-jotzaile laguntzaile handienetako bat da, eta munduko lied abeslari garrantzitsuenekin lan egin du. Londresko Wigmore Hallen aurkeztu du Benjamin Brittenen abestien integrala; St. Johns Smith Square-n, Claude Debussyrenak eta Francis Poulencena (berak ere grabatu du); eta Edinburgoko Jaialdian Hugo Wolfena. Europako entzunareto eta jaialdi garrantzitsuenetan aritu da, baita New Yorkeko Carnegie Hallen eta Alice Tullyn eta Sidneyko Operan ere. 2004an honoris causa doktore izendatu zuen Eskoziako Musika eta Arte Dramatikoko Errege Akademiak, eta 2009an nazioarteko pianista laguntzaile. 2011n Leedseko Lieder Jaialdiko zuzendari artistikoa izan zen.